-Almmuhus-
OĐĐASATNBR áigu ávkkástallat «Piera Jovnna duomu»

NBR áigu ávkkástallat «Piera Jovnna duomu»

-

-

Norgga Boazosápmelaččaid Riikkasearvvi jođiheaddji Ellinor Marita Jåma lea geahčadan duomu.

14A-Spiertagáissá orohatovdaolmmoš ja Norgga Boazosápmelaččaid Riikkasearvvi nubbiovdaolmmoš, Per John  Anti, lea vuoitán ollislaččat stáhta vuostá Hålogalándda lágamánnerievttis.

Norgga Boazosápmelaččaid Riikkasearvvi jođiheaddji Ellinor Marita Jåma lea geahččan duomu.

– Álgovuorus lea dát duopmu dehálaš Piera Jovnnii ja boahtte mearkkašit ahte oažžu ođđasit meannuduvvot iežas boraspirevahátgáibádusaid.  Seammás oainnán dan mearkkašit ahte juohke eaŋkil boazosápmelaččas lea riekti oažžut individuála árvvoštallama, mii guoská boazovahágiidda maid boraspiret leat dagahan, dadjá Ellinor Marita Jåma.  

 

Ávkkástallat duomu

NBR áigu geahččat mo sii sáhttet ávkkástallat Per John Anti duomu. 

– Mun dovddan ahte diggi doarju dan maid mii NBR:s leat guhkit áigge čuoččuhan. Dat lei dehálaš duopmu, man mii fertet geahččat man láhkai sáhttit ávkkástallat, lohká Jåma. 

 

Duopmu

Juovlamánnu 6. beaivvi celkkii lágamánneriekti ovttajienalaš duomu ahte Birasgáhttendirektoráhta mearrádusat doaibmajagiid  2012/­2013, ­2013/214 ja 2014/2015 leat eahpegusto­jeaddjit.

 

Ollislaš buhtadusa oažžut

Son čilge ahte stáhta dál obbalaččat árvvoštallá ja dan sivas leat stuorra spiehkasteamit man ollu guđege guovllu boazosápmelaš oažžu buhtadusa.

– Diggi čujuha ahte luondduvalljivuođa paragráfa 19 galgá čuvvojuvvot nu olu go vejolaš. Dat mearkkaša ahte juohkehaš galgá oažžut buhtadusa vahágiid ovddas maid dieđiha, dadjá Jåma. Son lohká ahte NBR lea guhká čuoččuhan ahte boazosápmelaččaid gelbbolašvuohta lea dehálaš, ja Ellinor lea duđavaš ahte lágamánneriekti lea seamma oainnus. 

 

Hástalus gávdnat ráppiid

NBR jođiheaddji lohká duomu leat máilmmi dehálaš vuoitun, ja čujuha vel ovtta oassái man oaivvilda leat dehálažžan boahtteáiggis. 

– Lea stuorra hástalus gávdnat ráppiid, ja justa dan diggi maid čujuha duomus, ahte eatnamat galget maid vuhtii váldot go árvvoštallet buhtadusaid, lohká Ellinor Marita Jåma. 

Borgarting lágamánneriekti cealká duomus ahte vaikke  Per John Anti lea duođaštan unnán bohccuid goddon návddiide, de dat ii galgga mearkkašit maide buhtadeapmái.

Diggi oaivvilda ahte vuođđun buhtadusárvvoštallamis ferte maid árvvoštallat makkár eatnamat leat gos siiddas­tallá ja man álki lea gávdnat dain eatnamiin goddon bohccuid ja ráppiid.

Stáhta ii guoddal duomu

Dálkkádat- ja birasdepartemeanttas eai loga iežaset guoddalit Borgarting lágamánnerievtti duomu. 

Čállet e-poasttas Ávvirii ahte sii ođđasit geahčadit boraspirevahágiid buhtadusortnega.

-Almmuhus-