Buollinčáskadeaddjit leat čáskkadeame buollima.
Politiijat ožžo dieđu ovtta viessovovnna birra mii lei buollán Ávžžis sullii 14 áigge. Viessovovdna čuoččui náveha láhka, ja balle ahte galggai leavvat návehii maid.
– Návet lea maid buollán dál. Viessovovdna lea áibbas billašuvvan, ja návet maid lea oalle muddui buollán, dieđiha politiijaid operašuvdnaguovddáš. Sii maid dieđihit ahte lea boares návet mii ii lea anus, ja viessovovdna ii leat sin dieđuid mielde ge leamaš anus odne.
– Doppe lea viessu maid, muhto eai bala ahte leavvá dohko, muitala operašuvdnaguovddáš.
