Ikte eahkes cavgiluvvui politiijaide ahte muhtin olgoriikkalaš guorbmebiilavuoddjit galge leat bisánastán Deanu guovllus ja dohppen muhtin sihkkela fárrui. Politiijat dutket dál ášši.
Ikte eahkes cavgiluvvui politiijaide ahte muhtin olgoriikkalaš guorbmebiilavuoddjit galge leat bisánastán Deanu guovllus ja dohppen muhtin sihkkela fárrui. Politiijat dutket dál ášši.
Ikte eahkes iđii dát govva sosiála mediaide ja bovttii fuomášumi. Muhtin olmmoš lei oaidnán go guorbmebiila bisánasttii geaidnogurrii ja dohppii sihkkela fárrui. Dát cavgiluvvui politiijaide, geat bissehedje biilla.
– Jua, mii oaččuimet dieđu veahá badjelaš diibmu gávccis ikte eahkedis, mii bisseheimmet guorbmebiilla Deanu Šaldis ja iskkaimet dan guokte olgoriikkalačča geat leigga dáinna jođus, duođašta Nuorta-Finnmárkku politiijaguovllu operašunjođiheaddjin Jonas Krokan.
Priváhtagovva
Gávdne sihkkela
Krokan muitala politiijaid gávdnan muhtin boares sihkkela guorbmelanjas.
– Sihkkel lea Deanu leansmánnekantuvrras, sii dat dutket ášši viidáseappot, lohká Krokan ii ge loga diehtit eanet áššis:
– Muhto jáhkkimis návdoba dát guokte olgoriikkalačča suoládan sihkkela.
Deanu leansmánnekantuvrras ii astan oktage vástidit dán ášši birra vuos.
