Eanodaga Guhttásis geavvan goddináššis lea váldon gitta 36-jahkásaš almmáiolmmoš, gii navdo goddán iežas 26-jahkásaš moarsi.
Politiijat ožžo dieđu rihkkosis lávvardatiđida diibmu 07:45. Dán muttus eai dáhtton politiijat vel muitalit mo vearredahku lei dáhpáhuvvan.
Lappi Bolesguovlu dieđihii sotnabeaivvi preassadieđáhusas goddinášši birra eambo ja muitaledje navdon vearredahkki, gii lea 36-jahkásaš almmái, goddán iežas 25-jahkásaš moarsi.
Goappašagat leaba olgoriikkalaččat, geat leigga áigodatbarggus Suomas.
Báhtarii báikkis
Almmái gean navdet sivalažžan, báhtarii báikkis, oktan iežas guvttiin beatnagiin, gos vearredahku lei čađahuvvon.
Politiijat gávdne albmá helikopteravehkiin meahcis Guhttása ja Gulddáma gaskkas, lahka báikki gos vearredahku lei dáhpáhuvai.
Ohcamii oassálaste máŋga politiijapatrulja mohtorfievrruiguin ja Rádjegozáhusa helikopter.
Báikkis lei 30 buolašgráda ja almmái lei sakka galbmon go gávdnui veallámin eatnamis, iige vuostálastán gittaváldima.
Son sáddejuvvui Roavvenjárgga váldobuohccevissui, gos beasai eret sotnabeaivvi iđida ja sáddejuvvui njuolga giddagassii.
Bolesat eai boađe dieđihit eambo áššis ja lohket joatkit ášši dutkama.
