Politiijat navdet dás lea sáhka vaššidagus.
Bearjadaga dat ožžo politiijat dieđu ahte boazu lea vuojáhallan ja lápmahuvvan Bájila suohkanis Ruoŧas. Politiijaid dieđu mielde bođii dat diehtu muhtin čearus.
– Mii leat bidjan buot vejolaš návccaid áššái. Dutkandilli lea buorre, ja erenoamážit go mis leat nanu áicimat dáhpáhussii, dadjá Davvi-Lappi Politiija Anders Malmström Expressen aviisii.
Váldui gitta
Aviisa čállá ahte politiijat leat sihkkarastán duođaštusaid báikkis ja skuteris, muhto eai háliit muitalit manne sii váruhit dievddu iešmielaid vuodján bohcco njeaiga skuteriin.
Politiijat leat aviissa dieđuid mielde váldán gitta dievddu gean navdet dan bargan. Sii dutket dál lea go dás sáhka vašširihkkosis.
