Boazobargguid oktavuođas láhpii Jon Ole Kuhmunen iežas beatnaga, maŋŋebárgga gávdnui beana jápmán. Ieš eaiggát navdá goaskima goddán dan.
Boazobargguid oktavuođas láhpii Jon Ole Kuhmunen iežas beatnaga, maŋŋebárgga gávdnui beana jápmán. Ieš eaiggát navdá goaskima goddán dan.
Gaskavahkku vižžui jápmabeana iskosiidda, gávdnan dihte jápminsiva, čállá oddasat.se.
Láhpiiga beatnaga
Karl Henrik Kuhmunen muitala ahte soai bártniin Jon Ole Kuhmunenain leigga áidumin, sudno mielde ledje guokte beatnaga. Nubbi dain lei vielppesbeana. Fáhkka jávkkaiga goappašat beatnagat, ja muhtin áigge maŋŋil máhcai dušše boares beana. Beana doarggistii ja galgá leat orron balus.
Oddasat.se mielde galgá boares beana jorragoahtá birra ahte birra ja ártegit láhtten, nu iskkaiga soai beatnaga ja oinniiga ahte erttetdávttit ledje ihttán oidnosii.
Veahá dobbelaččas gávnnaiga guolgabihtáid ja de gávnnaiga maid vielppesbeatnaga mii lei goddon muhtin návdái.
Ieža navdiba beatnaga goddon goaskimii go návdii ii leat lihkahallan beatnaga oaivvi.
– Ná goddá goaskin dábálaččat, dadjá Karl Henrik Kuhmunen.
Beana lea dál sáddejuvvon SVT:ii (Stáhta veterinearamedisiinnalaš guovddážii) iskosiidda.
