-Almmuhus-
OĐĐASATNavdet gávdnan goddin­vearjju 

Navdet gávdnan goddin­vearjju 

-

-

Politiijat leat duoguštan vearjju man navdet geavahuvvon goddit 40-jahkásaš albmá Leavnnjas.

30-jahkásaš almmái, guhte lea áššáiduhtton goddán nuppi albmá Leavnnjas, gáibiduvvo ihttin Álttá diggegottis biddjot háldogiddagassii. Politiijat dáhttot njeallje vahku háldogiddagasa mas guokte vahku biddjo galledan- ja reivegildosiin. 

 Gažadit odne eahkes

Politiijat eai leat vel gažadan áššáiduhtton albmá gaskavahku ovdalgaskabeaivvi, muhto politiijat rehkenastet gažadit su eahketbeallái go bealušteaddji Marius Ihlebæk lea ollen báikái. 

–  Dutkan lea bures jođus. Mii leat gažadan máŋga vihtana ja dahkan teknihkalaš iskkademiid báikkis. Mii leat maid duoguštan  vearjju man navdit leat goddinvearjun, ja dat lea sáddejuvvon guorahallamii, dadjá Finnmárkku politiijaguovllu dutkanjođiheaddji, Steffen Andreassen.

40-jahkásaš albma várohit čukkohallan, ja politiijat ožžo dieđu dáhpáhusa birra diibmu 15.30 maŋŋebárgga.

Rumašiskkadeapmái sádden

Otná beaivvi mielde sáddejit rupmaša iskkadeapmái. Son lea olgoriikka stádaborgár, muhto oapmahaččat  olgoriikkas  eai leat vel ožžon dieđu dáhpáhusa birra ja dan sivas ii almmuhuvvo goddon albmá namma.

Álggodutkamis

Politiijat deattuhit ahte leat álggus dutkamis, ja dan sivas eai almmuhit detáljaid goddinbáikkis dahje vihtangažademiin.  Sihke áššáiduhtton almmái ja goddon almmái leaba oahppásat politiijaide. 

(©NTB)

-Almmuhus-