Sámi bálgosiid searvvis doivot ahte boahtte dálvvi čuožžila ekonomaš hástalus.
Luondduriggodatguovddáš lea almmuhan raportta mas čájehuvvo ahte bálgosat árvvoštallet ahte váile 15 000 bohcco leat jápmán mannan dálvvi. Dasa lassin leat unnán miesit ja njuovvanmeari árvalit njeidjat sakka, dieđiha Yle Sápmi.
Dál vurdet bálgosa dieđu Suoma stádas ožžot go makkárge buhtadusa vahágiid dihte. Sámi bálgosiid searvvis doivot ahte boahtte dálvvi čuožžila ekonomaš hástalus:
– Ekonomalaččat mannan dálvi lei nu garas ja dán dilis go diehtit, ahte biergu ii leat vuovdinláhkai ja sisaboahtu ii boađe doppe, de dat (buhtadus) lea hirbmat dehálaš, lohká Suoma bálgosiid ságadoalli Tiina Sanila-Aikio Yle Sápmái.
Eana- ja meahccedoalloministeriija ráđđádalli virgeolmmoš Tapani Sirviö muitala Yle Sápmái ahte raporttas árvvoštallon njuovvanmeriid lassin dárbbašuvvojit dán njuovvanbaji logut, ovdal go váldet loahpalaš mearrádusa buhtadusaid ektui.
