Kárášjoga ovddeš ráđđeolmmái Hilda Vuolab, lea virgáduvvon NAV Kárášjoga jođiheaddjin.
Kárášjoga ovddeš ráđđeolmmái Hilda Vuolab, lea virgáduvvon NAV Kárášjoga jođiheaddjin.
Hilda Vuolab lea virgáduvvon NAV Kárášjoga jođiheaddjin. Son bargagođii virggis borgemánu 24. beaivvi, ja lea gaskaboddosaččat virgáduvvon 2016 čavčča rádjai.
Vuolabas lea badjel 20 jagi hárjáneapmi gielddalaš sektovrras. Son álggii kulturhoavdan Kárášjogas 1993:s, dan rájes leat sus leamaš moanat hoavdavirggi Kárášjogas. Maŋimus lei ráđđeolmmájin 2009:s 2012 rádjai.
Ovdal go álggii NAV jođiheaddjin barggai Vuolab hálddahusjođiheaddjin Porsáŋggu gielddas.
– NAV lea ođđa ja miellagiddevaš arena munnje, ja lean ilus go mus leat čeahpes mielbargit birra. Gielddalaš sektovrras lei mávssolaš bargat servodatovddasvástádusa geažil, oččodit buriid fálaldagaid ássiide. Danne illudan dál bargat dan ovdii ahte Kárášjoga NAV-geavaheddjiide leat buorit bálvalusat, dadjá Vuolab.
