-Almmuhus-
-Almmuhus-
-Almmuhus-
OĐĐASATNAV golahii 1,2 miljárdda ruvnnu beaivái

NAV golahii 1,2 miljárdda ruvnnu beaivái

-

-

Diibmá geavahii Norgga bargo- ja čálgoetáhtta (NAV) oktiibuot 430 miljovnna ruvnnu. 

Gaskamearálaččat mávssii NAV buot Norgga ássiide 81 200 ruvnnu 2018:s. 

Oktiibuot geavahii NAV 430 miljárdda ruvnnu diibmá, ja dat lea 1,2 miljárdda beaivái. 

 

Lassáneapmi

Bealli NAV goluin mannet máksit ahkepenšuvdnaruđaid.

Ahkepenšuvdnaruđat lassánedje 5 proseanttain 2017 rájes, bargonávccahisvuođaoadju 6 proseanttain ja reaidadoarjja ges 3 proseanttain. 

Bargoruđa golut gal baicce njidje 21 proseanttain ja bargočielggadanruđat ges 5 proseanttain. 

Vuorjašuhtti 

Gaskamearálaččat leat NAV mávssut lassánan 1000 ruvnnuin juohke olbmo nammii, ja dat vuorjašuhttá direktevrra Sigrun Vågenga. 

– NAV hálddaša stuora ruhtasupmiid servodaga ovddas ja dát statistihkka čájeha man láhkai mii geavahit ruđaid. Bargomárkan buorrána Norggas, muhto seammás boarásmuvvet olbmot. Dat mii vuorjašuhttá min lea ahte bargonávccaheamit lassánit, dadjá son NTB ođasdoaimmahahkii. 

NAV mávssii 217 miljárdda ruvnnu penšuvdnaruđaid 976 000 olbmui diibmá. 

Mánáidoaju mákse 721 000 olbmui ja sii ožžo oktiibuot 14,6 miljárdda ruvnnu. 495 000 norgalačča ges ožžo buohcanruđaid, dása geavahii NAV 39,3 miljárdda ruvnnu. 

 

Finnmárkkus ii lassánan

NAV mávssii eanemus ruđaid hedemárkulaččaide diibmá, doppe oaččui juohke ássi gaskamearálaččat 94 000 ruvnnu. 

Oaivegávpogis ožžo olbmot unnimus ruđaid, NAV mávssii juohke olbmo nammii 65 400 ruvnnu. 

Buot fylkkain, earret Finnmárkkus, lassánedje mávssut, dáppe bissot mávssut seamma dásis go 2017:s. 
(©NTB)

-Almmuhus-