Sullii ovccis logi dállodoalus lea olahanmuddu buori lehttui jos geahččá Norgga obbalaččat. Jos orut márkanis, de njiedjá lohku vuollel 60 prosentii.
Lea nationála ulbmil ahte buot dállodoaluin galgá olahanmuddu govdafierpmádahkii mas lea unnimusat 100 Mbit/s leahttu. Riikka dásis leat 87,7 proseantta čadnon 100 Mbit/s dahje eambbo, muhto jos geahččá bieđggushuksejuvvon guovlluide, de njiedjá lohku 58,6 prosentii.
– Lea buorre ahte olusiin lea olahanmuddu jođánis internehttii riikka dásis. Leat muhtun guovllut riikkas gos ovdáneapmi manná njoazibut go galggašii. Danin lea dehálaš ahte aktevrrat jotket barggu gokčat dáid ráiggiid, dadjá Kenneth Olsen Nationála gulahallaneiseválddis preassadieđáhusas.
