-Almmuhus-
-Almmuhus-
-Almmuhus-
OĐĐASATNate orkána bázahusat leat jođus Norgii

Nate orkána bázahusat leat jođus Norgii

-

-

Mearragátteássiide lea vuordimasas arvi olles vahkkolohppii, go Nate-orkána bázahusat deivet Norgga, muhto mearragáttiin lulli- ja nuortaeatnamis sáhttá šaddat lagabui 15 lieggaceahki.

Gaska-Amerihkás dušše 21 olbmo Nate-orkána geažil, orkána maid bilidii olu. Dál lea orkána jođus Atlanterábi badjel, muhto ii lahka ge nu garas go lei. Ii leat vurdojuvvon erenomáš garra biegga go deaivá Norgga bearjadaga.

– Dat ii leat ii mihkkige dan ektui mo lei. Midjiide šaddá beare dábálaš vuollegisdeatta, muitala stáhtameteorologa Ida Fosli NTB:i.

Son maid dadjá ahte orkánabázahusat buktet bivvalis áimmu. Danin ii muohte ja iige bisán muohta nu vulos go lea dahkan daid maŋimuš beivviid.

– Muhto šaddá gal vielgat várrečogain lulli-Norggas, dadjá meteorologa.

 

Bivvalis dálkkit

Mearragáddái dagaha Nate arvvi.

– Dat arvá meastta olles vahkkoloahpa oarjin ja miehtá mearragátti davás guvlui, earret go Nuorta-Finnmárkkus, mii orru beassamin arvvis. Buoremus vahkkoloahpadálki dieđihuvvo nuorttas, muhto ii dattetge nu erenoamáš fiertu. Nuorttas sáhttá veahá arvit bearjadaga, muitala Fosli.

Guovlluin vuolládagain lulli-Norggas vurdojit temperatuvrrat  gaskkal 10 ja 13 ceahki beaivit, daid boahtte beivviid.

Mearragáttiin lullin ja miehtá nuortaeatnamis vurdojuvvo gitta 15 lieggaceahki lávvardaga, sotnabeaivvi ja vuossárgga, ja davvi-Norgii vurdojuvvo 5-10 ceahki dán vahkkolohppii.  (©NTB)

-Almmuhus-