23-jahkášas Natalie Carrion lea artista geas lea Lulli-Sámi duogáš. 2017:s vuittii son SR Sámerádio & SVT Sápmi «Dán jagáš sámi šuokŋa» iežas lávlagiin «Uppför fjäll»
Dál son almmuha ođđa pop-lávlagiid main leat sámi dovdu.
Son lávlu eaŋgalas- ja ruoŧagillii ja su lávlagiin gullo maid juoiggus.
Borgemánu 16. beavvi almmuhii son «Let it go» lávlaga.
Natalie muitala preassadieđáhusas ahte sus lea leamaš losses dilli ja olu olbmot leat láhppon su eallimis.
Háliida veahkehit
Danin háliida lávlagiin veahkehit olbmuid nannet iešdovddu ja ráhkisvuođa alccesii vuosttažettiin nu sáhttet ráhkistit earáid eanet.
Borgemánu 30. beaivvi boahtá fas su nubbi lávlla.
2017 almmuhii Natalie Carrion su vuosttaš CD-skearru, «En sång om livet».
Su lávlagiin gullá ođđaáigásaš pop-musihka mas leat čielga ulbmilat, su earenoamáš jietna mii čuohcá guldaleddjiide.
