-Almmuhus-
-Almmuhus-
-Almmuhus-
OĐĐASATNašunála geahččalemiid bohtosat válbmasat: – Váttis giella váikkuha

Našunála geahččalemiid bohtosat válbmasat: – Váttis giella váikkuha

-

-

Guovdageainnu nuoraidskuvlla rektor oaivvilda našunála geahččaleamit rehkenastimis eai leat vuoiggalaččat, go adno nu heajos giella matematihkas. Son lea diibmá juo cuiggodan Oahpahusdirektoráhta dainna.

Dán čavčča leat 120 000 oahppi čađahan našunála geahččalemiid lohkamis, rehkenastimis ja eaŋgalasgielas 8. luohkás, ja lohkamis ja rehkenastimis 9. luohkás.

Našunála geahččaleamit čađahuvvot danne go galget sáhttit buohtastahttit lohkán-,rehkenasttin-, ja eaŋgalasgielamáhtu ohppiin.

 

Ii duhtavaš geahččalemiiguin

Guovdageainnu nuoraidskuvlla rektor Ellen J. Sara Eira oaidná ovdáneami 9. luohkás, ja muđui bissot bohtosat seamma dásis go ovddit jagiid.

Sara Eira ii leat duhtavaš bohtosiiguin, go ii leat ovdáneapmi, iige son leat duhtavaš geahččalemiiguin.

– Min skuvlla lohkanbohtosat 9. luohkás eai almmuhuvvo, danne go sis lea geahččaleapmi sámegillii. Ii han de sáhte buohtastahttit bohtosiid, iige de leat goit ávki. Lea heittot go nu lea, lohká Sara Eira.

 

Váttis giella

Našunála geahččalemiin leat rehkenastima bargobihtát sámegillii, muhto rektor lea juo diibmá cuiggodan dan giela mii adno geahččalemiin.

– Lean dál rehkenastingeahččaleami maid váidalan Oahpahusdirektoráhttii, ja vaikko diibmá lohpidedje buoridit, de ii leat dat dáhpáhuvvan. Rehkenastimis adnojit sánit mat eai muđui servvodagas adno, ja de han dat sánit eai darván bealljái. Dat juo muitala ollu, ja dasa lassin ledje maid meattáhusat fasihtas, mii ii leat dohkálaš, lohká son.

 

Ollu čuolmmat

Eira Sara lohká sii ieža dihtet bohtosiid, ja oaivvilda leat ollu čilgehusat manne eai olat buoremus bohtosiid.

– Ii leat nu ahte min oahppit leat čuorbbit, muhto leat ollu čuolmmat mat váikkuhit ahte geahččalemiid bohtosiidda. Oahppogirjjit eai leat nu bures heivehuvvon, ja leahkit unnitlogu gielagin ja gullat unniálbmogii, de álo vuoittahallá eanetlogu gillii, lohká son.

 

Dárbbašit máhcahemiid
Oahpahusdirektoráhta ráđđeaddi Birgitte Arctander Stub duođasta ahte leat diibmá ožžon váidaga sámegielat rehkenasten bihttás giela ektui, ja dán jagi maid.

– Go leat juohke jagi ođđa geahččaleamit, de fertet oažžut jorgaluvvot geahččalemiid juohke jagi, nu ahte sáhttet boasttuvuođat šaddet. Muhto mii váldit váidagiid duođalaččat, ja áigut iskkat, muhto mii dárbbašit veahki. Danne lea mis beroštupmi máhcahemiid oažžut geahččalemiid ektui, movt galggašii buoridit, lohká son.

Arctander Stub lohká našunála geahččaleamis mii guoskka lohkán oassái 9. luohkás Guovdageainnus ii leat almmolaš danne go leat nu moattis geat váldet.

– Mii dahkat dan persovdnasuodjalusa dihte, eatge dannego leat heajos bohtosat.
 

*/

Gaskamearalaččat eai leat rievdadusat ohppiid čuoggáin riika dásis, ja nu lea maid sámi suohkaniin. 

*/

Oahpahusdirektoráhta direktevra Hege Nilssen lohká

*/

oaidnit ahte 8. luohkás leat unnánit oahppit vuolemus ceahkis rehkenastimis diimmá ja ovddit jagi ektui, muhto dárbbašuvvot eanet jagiid bohtosiid vai oidnet leago dat dáhpi.

 

Našunála geahččalemiid bohtosiid logat ná:

Hálddašanceahkki 1 (36 čuoggá ja unnit)

Hálddašanceahkki2 (37-44 čuoggá)

Hálddašanceahkki 3 (45-54 čuoggá)

Hálddašanceahkki 4 (55-62 čuoggá)

Hálddašanceahkki 5 (63 čuoggás bajás)

 

Dás oainnát sámi suohkaniid bohtosiid. Čuoggát mearkkašit ahte leat beare unnán oahppit geat leat váldán geahččalemiid, ja danne eai almmuhuvvo.

 

 

-Almmuhus-