Politiijat leat mannan ija váidán 12 olbmo narkotihkaid dihte sihke Álttás, Čáhcesullos ja Girkonjárggas.
Politiijat leat mannan ija váidán 12 olbmo narkotihkaid dihte sihke Álttás, Čáhcesullos ja Girkonjárggas.
Politiijat miehtá Finnmárkku dieđihit ollu narkotihkageavaheddjiid váldán gitta bearjadateahkedis.
Girkonjárggas válde gitta vihtta dievddu ja ovtta nissonolbmo go ledje geavahan narkotihka. Dát guđas leat 18–28 jagi boarrásat, ja politiijat leat luoitán sin fas mannat maŋŋel dutkama.
Čáhcesullos gávdne politiijat guokte dievddu ja válde sudno gitta go leigga geavahan narkotihka. Goappašagat beasaiga fas mannat maŋŋel go leigga leamašan dutkamis politiijaid luhtte.
Álttás ledje politiijat burgime ovtta viesu Joganjálmmis, ja gávdne hášša ja amfetamiinna. Dievdu birrasiid 60 jagi boaris mieđihii ahte lei geavahan narkotihka.
Álttás, Bossegobis, gaskaijaáiggi leaba guokte dievddu váidon go sudnos lei vehá hášša.
Álttás buvttii muhtin olgobáikki uksavákta hášša politiijaide. Eai dieđe gii lea narkotihka eaiggát.
Álttás, Bossegobis gávdne politiijat maid dievddu guovtti áigge gii orui geavahan narkotihka ja politiijat sihte gožžaniskosa addit. Čájehuvvui ahte lei geavahan narkotihka.
Politiijat dieđihit Twitteris ahte buohkat leat váidon politiijaide narkotihka dihte.
