Politiijat ávžžuhit festiválamanniid návddašit musihka eai ge narkotihka, go sis lea beana mii haksá narkotihka.
Politiijat ávžžuhit festiválamanniid návddašit musihka eai ge narkotihka, go sis lea beana mii haksá narkotihka.
Finnmárkku politiijaguovllus sáddejit dál dieđu Facebook bokte gos ávžžuhit Midnattsrocka festiválamanniid návddašit musihka eai ge narkotihka.
– Mis lea dán jagi Midnattsrockas mielde beana mii haksá narkotihka. Váldet fuola nubbi nuppis, ja návddašehket baicca musihka ehket narkotihka, čállet sii Facebook bokte, ja lea čielga diehtu sidjiide geat leat jurddašan narkotihka geavahit.
Siviilapolitijat
Sii čállet maid ahte sis leat olbmot sihke politiijagárvvuin ja maid dábálaš politiijat, sihke festiválabáikkis, ja maid luottaid alde feara gos Leavnnja guovllus.
Politiijain lea maid diehtu festiválamanniide:
– Jus vásihat unohasvuođaid, váldde min olbmuiguin oktavuođa. Mii leat doppe dan dihte vai buohkat galget beassat návddašit festivála ja dovdat oadjebassan, čállet sii.
