Romssa ja Finnmárkku fylkkagielda nanne studeanttaide geassebarggu ja oahpahallisajiid fálaldagaid, seammás láhčá dili vai studeanttat sáhttet čállit masterbarggu.
«Studeantapáhkka» lea pilohtaprošeakta mas lea mihttu geasuhit studeanttaid leat fylkkagieldda boahttevaš bargin. Fylkkaráđđi lea dán jagi várren 100 000 ruvnno dan doibmii.
– Vai olahit servodatovdánahttima maid sávvat Finnmárkkus, dárbbašit mii fáhtet gelbbolaš bargofámuid. Leat ilus go fylkkagielddas lea dál sajis ortnet mii galgá dahkat álkibun studeanttaide ja ođđaoahpan olbmuide oažžut dovdat fylkkagieldda bargoaddin, dadjá plána, ealáhusa ja birrasa fylkkaráđđi Karin Eriksen.
Suorggit maid fylkkagielda lea várren vuoruhit leat Finnmárkku ealáhusossodat, ollesolbmooahpahus, regiovnnalaš plánen ja internationála ossodat.
Čákčat galgá ortnet árvvoštallojuvvot ja geahčaduvvot man viidát fylkkagielda galgá joatkit dan fálaldága boahtte jagi.
