-Almmuhus-
-Almmuhus-
OĐĐASAT Nannejit heahte­gula­hallama davvi­guovlluin

Nannejit heahte­gula­hallama davvi­guovlluin

-

-

Dássážii eai leat leamašan doarvái buorit heahtegulahallanvejolašvuođat Váldogádjunguovddáža gaskkas nannámis ja skiippain mat vudjet polára- ja davviguovlluin.

– Ráđđehus lea danne juolludan guhtta miljovnna ruvnno ja ásahan HF-rádiogeavahanvejolašvuođa davviáhpeguovlluin nannen dihtii heahtegulahallama dien guovllu skiippaid johtolagas, dadjá justiisa- ja gearggusvuođaministtar Monica Mæland preassadieđáhusas.

Seammás go jiekŋa suddá davvelii aht davvelii, de lea davviguovlluin lassánan skiipa- ja cruisefanasturisma maŋimus jagiid.

– Ráđđehussii lea vuoruhuvvon bargu áimmahuššat min gádjunovddasvástádusa ja sihkkarastit doarvái buori gearggusvuođa Norgga áhpeguovlluin, dadjá Mæland.

Váldogádjunguovddáš ja riddorádiostašuvnnat sáhttet dál guovtte guvlui njálmmálaččat gulahallat heađálaččaiguin ja gádjunresurssaiguin guovllus, mii lea áibbas dárbbašlaš vai gádjun doaibmá beaktilit. Riddorádiostašuvnnain galgá fákta birrajándora birra jagi HF-rádio bokte. Dat mearkkaša ahte jus sáddejuvvo heahtediehtu HF bokte, de dat gullo nannámis nu ahte Váldogádjunguovddáš jođánit sáhttá bidjat doaimmaid johtui. Heahtediehtu gullo maid buot fatnasiin main lea dakkár rusttet.

Dássážii leat geavahan satelihttatelefovnnaid, muhto daiguin ii sáhte gulahallat eará go ovttain ain háválassii, ja dat heađušta ja goazaha gádjundoaimmaid. 

-Almmuhus-