-Almmuhus-
-Almmuhus-
-Almmuhus-
OĐĐASATNanne­jit fálal­daga kvenaide

Nanne­jit fálal­daga kvenaide

-

-

Maŋimuš golbma jagi leamaš NRK:s sierra kvena neahttabáiki. Dál nanne NRK fálaldaga kvena/norgalašsuoma unnitloguálbmogii Norggas. 

Neahttabáikkis NRK Kvensk/NRK Kvääni sáhttá gávdnat NRK fálaldaga kvena unnitloguálbmogii. Dás lea vejolaš lohkat, gullat ja oaidnit kvenagiela ja gullat makkár áigeguovdilis áššit beroštahttet  kvena/norgalašsuoma unnitloguálbmoga Norggas, čállá NRK preassadieđáhusas. 

– Neahttasiiddu bokte ja iežamet journalistihka bokte háliidat mii gokčat dehálaš áššiid kvena birrasis, muhto leat maid mielde nanusmahttimin čeavláivuođa ja oktasašvuođa kvena/norgalašsuoma  unnitloguálbmogii, lohká NRK Nord guovlluredaktevra, Nina Einem.

Dál oažžu neahttabáiki velá ovtta mielbargi, ja Nina Einem lea ilus go dát menestuvai. Lohká sii ohcet mielbargi geas lea gelbbolašvuohta kvenagielas sihke njálmmálaččat ja čálalaččat. Einem lasiha ahte dát olmmoš oažžu sis oahpu jus dárbbaša ja sáhtášii bargat Čáhcesullos, Álttás dahje Tromssa kantuvrras. 

-Almmuhus-