-Almmuhus-
SMÁVVAOĐĐASATNanne boaitto­beale oahpa­husaid

Nanne boaitto­beale oahpa­husaid

-

-

16 oahpahusguovddáža ja 17 universitehta ožžot 184 miljovnna ruvnnu vai nagodit fállat eambbo oahpposajiid ja maiddái gáiddusoahpahusa. Dál galget olbmot beassat alitoahpu gazzat vaikko eai ása doppe gos oahppoguovddážat leat.

Ulbmil lea fállat eambbo oahpposajiid ja maiddái gáiddusoahpahusa earet eará teknologiijas, digitaliseremis ja buohccidivššároahpus. 

– Mii dárbbašat eambbo oahppofálaldagaid ja mii dárbbašit eambbo gelbbolašvuođa mii heive áigái. Bargomárkkan rahčá gávdnamis olbmuid iešguđetge gelbbolašvuođain. Vai dan olahit, de dárbbašit fállat oahpu sajiin gos olbmot ásset ja ahte oahppu galgá heivehuvvon nu ahte olbmot besset sihke bargat, oahpu gazzat ja ássat doppe gos mánát leat. Dál dáhttut addit gáiddusoahpahusa mii lea heivehuvvon olbmuide, lohká dutkan- ja oahpahusministtar Ola Borten Moe (Guovddášbellodat).

Máŋga skuvlla Finnmárkkus leat ožžon doarjaga. UiT, árktalaš universitehta lea daid searvvis mii oažžu eanemusat, namalassii masá 35 miljovnna ruvnnu. 

 

-Almmuhus-