Čálli ja jorgaleaddji Laila Stien lea nammaduvvon Davvinorgga čálliidsearvvi ođđa gudnimiellahttun
Čálli ja jorgaleaddji Laila Stien lea nammaduvvon Davvinorgga čálliidsearvvi ođđa gudnimiellahttun
– Stien nammaduvvo go lea guhká doaibman čállin geas lea vuođđu davvinorgga árgabeaivvis, son lea maid viššalit jorgalan sámi litteratuvrra, eanaš lyrihka, nu mo earret eará Nils-Aslak Valkeapää «Ruoktu Váimmus» (1990), čállet Davvinorgga čálliidsearvvis
preassadieđáhusasteaset.
Viiddis duogáš
Laila Stien riegádii Nordlánddas 1946:s, ja lea guhká orron Finnmárkkus. Sus lea cand.mag oahppu etnologiijas, sámegielas ja etnografiijas, Oslo Universitehtas.
1979:s almmuhii son vuosttaš geardde girjji, dat lei noveallačoakkáldat «Nyveien» . Dan rájes lea son almmuhan máŋga noveallačoakkáldaga, romána ja diktáčoakkáldagaid rávisolbmuid, mánáid ja nuoraid várás.
2015:s nammaduvvoi son gudnedoavttirin Tromssa Universitehtas.