Veikko Holmberg lea nammaduvvon Davviriikkalaš mánáid- ja nuoraid girjjálašvuođabálkkašupmái 2015, «Duvro-guovža ja skohtermáđi» girjjiin.
«Duvro-guovža ja skohtermáđi» (Durrebjørnen og skuterløypa) lea nammaduvvon Davviriikkalaš mánáid- ja nuoraid girjjálašvuođabálkkašupmái. Čálli Veikko Holmberg leaba ovttas sárguin Sissel Horndalain heivehan čállosa ja govaid oktii, mat ovttas muitalit muitalusa Duvro-guovžža ja su čivgga birra, geat ferteba báhtarit go olbmot bahkkejit sudno orohahkii.
Dán vuoro gáibidit olbmot ahte Duvro- guovža ja su čivga Dárvu ferteba ruovttuska fárret eret, go olbmot dárbbašit saji iežaset astoáiggedoaimmaide. Duvru ja Dárvu vuostálastiba dáid doaimmaid, muhto de álggahit guovžabivddu ja bivddáskit sudno.
Lihkus bohtet muhtumat guovžžaide veahkkin – soaitá leat liikká sadji sihke guovžžaide ja olbmuide?
