UiT Norgga árktalaš universitehta nammada sámi dáiddára ođđa gudnidoavttirin.
Gieskat beakkehii ahte gonagas nammada sámi dáiddára, Elle Hánsa dahje Hans Ragnar Mathisena Gonagaslaš bassi Ovllá ortnegii.
Dál dáhtu maiddái UiT Norgga árktalaš universitehta gudnijahttit Elle Hánsa, son oainnat nammaduvvo gudnedoavttirin boahtte vahkkus.
– Hans Ragnar Mathisen lea badjel 50 jagi bargan sámi dáiddárin ja son nammaduvvo gudnedoavttirin go barggus bokte lea čalmmustahttán sámi kultuvrra Arktisas ja Norggas. Son lea ovttasbargan dutkiiguin dan rájes go universitehta ásahuvvui ja su dáidda leamaš mielde hábmemin universitehta, čállá UiT Norgga árktalaš universitehta preassadieđáhusas.
UiT Norgga árktalaš universitehta gudnedoavttirseremoniija lea čakčamánu 1. beaivvi diibmu 14.00. Dát dilálašvuohta sáddejuvvo neahta bokte.
