-Almmuhus-
SMÁVVAOĐĐASATNamma lea dál Anárjoga­álbmot­meahcci/Anár­johka nasjonal­park

Namma lea dál Anárjoga­álbmot­meahcci/Anár­johka nasjonal­park

-

-

Birasdirektoráhtta dieđiha ahte namma Øvre Anarjokka nasjonalpark rievdaduvvo. Ođđa namma lea Anárjoga álbmotmeahcci /Anárjohka nasjonalpark ja nammarievdan lea biddjon fápmui.

Romssa ja Finnmárkku Stáhtahálddašeaddji čujuha 2018 reivii mas ovddeš Finnmárkku fylkkamánni evttohii rievdadit Øvre Anárjohka nasjonalpark nama Anárjoga ábmotmeahcci / Anárjohka nasjonalpark nammii. 

Njuolggadusa rievdan

Luonddumáŋggabealatvuođalága láhkavuođuin mearridii Birasdirektoráhta čuovvovaš njuolggadusa 12.01.2021 nummar 82: 

Njuolggadusas 19.12.1975 nummar 1873 Øvre Anarjokka nasjonalpark ráfáiduhttima Kárášjoga ja Guovdageainnu gielddain rievdadat mii čuovvovaččat: Álbmotmeahci namma rievdaduvvo Anárjoga álbmotmeahcci / Anárjohka nasjonalpark nammii. Njuolggadusa bajilčálá galgá das dohko leat: Njuolggadus ráfáidahttit Anárjoga álbmotmeahci / Anárjohka nasjonalpark, Kárášjoga ja Guovdageainnu gielddain, Romssa ja Finnmárkku fylkkas. 

Dás čujuhit 19.06.1970 luonddugáhttenláhkii mii gonagaslaš mearrádusain 19.12.1975 mearriduvvui ahte birrasii 1390 km sturrosaš guovlu Kárášjoga ja Guovdageainnu gielddain Romssa ja Finnmárkku fylkkas galgá ráfáiduhttot álbmotmeahccin namain Anårjoga ålbmotmeacci/Anårjohka nasjonalpark.

Vuosttaš kapihttalis ulbmila birra lea ahte Anárjoga álbmotmeahcis / Anárjohka nasjonalpark:s galgá oassi Finnmárkku duoddaris gáhttejuvvot go guovllus gávdnojit ovddastuslaš luonddušlájat nu go beahcevuovdi, soahkevuovdi, duoddarat oktan murdduin, jeakkit, jávrrit, jogat ja vuollegaš alážat. Eallit ja šattut galget beassat ahtanuššat almmá olbmuid doaimmaid geažil. Dát njuolggadus biddjo fápmui dakkaviđe. 

Nammarievdan historjá

Álbmotmeahcci lea birrasii 1390 km2 stuoris. Birrasii 80 proseantta álbmotmeahccis lea Guovdageainnu suohkanis ja birrasii 20 proseantta Kárášjoga gielddas. Øvre Anárjohka álbmotmeahccistivrras lea hálddašanváldi. Sámediggi evttohii Stáhta Kártadoaimmahahkii álbmotmeahci nama rievdadit ja Sámediggi sáddii maid jearaladaga Dálkkádat- ja birasdepartementii 2017:s. Departemeanta čállá Finnmárkku fylkkamánnái ahte lea dábálaš ahte sámi guovlluin lea álbmotmehciin sihke sáme- ja dárogielnamma, ja bivdá su sáddet ášši gulaskuddamii. Stáhtahálddašeaddji evttohii ahte namma berrešii leat Øvre Anárjohka nasjonalpark/Anárjoga álbmotmeahcci.

Birasdirektoráhta mielas berre sámegielnamma leat, Anárjoga álbmotmeahcci, álggus duppalnamas go álbmotmeahcci lea guovddáš sámi guovlluin ja ahte berre oanidit dárogielnama Anárjohka nasjonalpark namman. 

-Almmuhus-