-Almmuhus-
-Almmuhus-
-Almmuhus-
OĐĐASATNamibia álgoálbmogat stevdnejit Duiskka

Namibia álgoálbmogat stevdnejit Duiskka

-

-

Guokte álgoálbmotjoavkku Namibias stevdnejit Duiskka. Sii čuoččuhit ahte ovddeš koloniijafápmu čađahii álbmotgoddima sin vuostá, ja gáibidit buhtadusa.

Ovaherero ja Nama álbmogat leat vuolggahan ášši New Yorkas Amerihkás.

Álbmogat gáibidit beassat beavdegurrii go Namibia ja Duiska soabadallagohtet oktasaš julggaštusa álbmotgoddima birra.

Álbmotgoddin dáhpáhuvai Duiskka koloniijas 1904:s ja 1905:s.

 

Biehttalit buhtadit

Duiska lea mieđihan ahte álbmotgoddin dáhpáhuvai, muhto biehttalit buhtadusgáibádusa. Duiska lea čujuhan veahkkeruhtii maid leat máksán, mii galgá leat máŋggaid čuđiid miljovnna euro.

Duiskka Olgoriikadepartemeanta ii áiggo kommenteret maide áššis. Čilgejit ahte eai leat vel oaidnán stevdnendokumeanttaid.

 

Masse njealjádasoasi guovlluin

Ovaherereo ja Nama álbmogat čuoččuhit ahte masse njealjádasoasi iežaset guovlluin dalle go koloniijahearrát bohte.

Sii čuoččuhit maid ahte koloniijafápmu ii beroštan go álgoálbmot nieiddažat ja nieiddat veagalváldojedje, ja bággehalle bargat sin ovddas.

Stuibmi čuožžilii 1904:s go Ovaherero-álbmot álge vuosttaldit koloniijafámu. Nama-álbmot maid čuovvolii. Stuimmiid oktavuođas goddojedje birrasii 100 000 olbmo.©NTB

-Almmuhus-