Jos leat riikkas gos koronadávda leavvagoahtá nu ahte riika kárttas rievdaduvvo ruonás ruoksadii, de ferte errenáigái go boađát ruoktot, dadjá veahkehan dearvvašvuođadirektevra Espen Rostrup Nakstad.
– Soaittát leat vahkkosaš mátkkis, ja boahtit ruoktot diimmus ii leat vejolaš. Nu gártat errenáigái go de ollet ruoktot jus Álbmotdearvvašvuohta lea rievdadan riika ruoksadin koronavára geažil, nu bođii ovdan ráđđehusa preassakonferánssas.
Álbmotdearvvašvuođainstituhtta lea ožžon bargun ođasmahttit mátkkoštankártta unnimusat juohke 14. beaivvi.
– Dakkár dilálašvuođat sáhttet dáhpáhuvvat johtilit. Muhtun riikkat merkejuvvojit ruoksadin unnit go 14 beaivvis, dadjá fágadirektevra Frode Forland Álbmotdearvvašvuođainstituhtas.
(©NTB)
