Norgga mánát ožžot buot jurddašuvvon boahkuid vaikke máilmmis leavvá koronapandemiija.
Norggas leamaš vuorjašupmi mánáid boahkuhanprográmma ektui maŋŋel go pandemiija leavvagođii, muhto logut čájehit ahte dearvvašvuođastašuvnnain ja skuvladearvvašvuođabálvalusas leat nákcen boahkuhit mánáid nu go dábálaččat, čállá Álbmotdearvvašvuođainstituhtta.
– Eará Eurohpá riikkain ja stuora oasis máilmmis rahčet čađahit mánáidboahkuheami ja koronapandemiija geažil leat maid unnit mánát ožžon boahkuid, muitala mánáidboahkuhanprográmma jođiheaddji ja váldodoavttir Margrethe Greve-Isdahl.
Son dadjá ahte váilevaš boahkuheamis sáhttet váikkuhusat.
– Lea hui dehálaš ahte nákcet doalahit boahkuhanloguid badjin go fas beassat ealligoahtit dábálaččat. Riikkain gos dán eai nagot sáhttá ovdamearkka dihte bárkodávda leavvagoahtit.
(©NTB)
