Isak Saba guovddáš bálkáha lihkoš gávttehasaid Vuonnamárkaniin.
Nahket gávtti badjelii ja čális iežat nama girjái Isak Saba guovddáža beavddis Vuonnamárkanis lávvardaga čakčamánu nuppi beaivvi. De lea dus vejolašvuohta vuoitit ruhtavuoittu.
Loahpageahčen márkanbeaivvi, de lea vejolašvuohta vuoitit 1000 kruvnno.
Vuorbádit ruhtavuoitu
Isak Saba guovddážis vuorbádit guhtta vuoittu; váldovuoitu almmáiolbmuide ja váldovuoitu nissoniidda, juohkehažžii 1000 kruvnno.
Sii máiddái vuorbádit maid váldovuoittu gánddaide ja váldovuoittu nieiddaide, juohkehažžii 1000 kruvnno. Dasa lassin vuorbádit maid guokte jeđđenvuoittu, juohkehaš 500 kruvnno. Jeđđenvuoittuid vuorbádit buot oasseváldiid gaskkas.
– Dat ii leat gilvu geas lea fiidnámus gákti. Dán vuorbádeapmái sáhttet oasálastit buohkat geat leat coggan gávtti badjelii Vuonnamárkanidda. Gávttis galgá leat gáktemálle. Čuvllat gávtti hámis ja gođđojuvvon gáktehámát biktasat eai dohkkehuvvo gilvui, cealket Isak Saba guovddážis.
