Mannan ija bulii viessu Billávuonas. Časkadanbargit nagodedje hehttet buollima leavvat návehii.
Sotnabeaivvi čuovganeapmái diibmu 0046 dieđihuvvoi viessubuollin Billávuonas Porsáŋggu gielddas.
Bulii gutnan
Sihke buollinčáskadeaddjit, ambulánsa ja politiijat dollejedje Billávutnii maŋŋel go dieđihuvvui viessobuollin.
Go heahteveahkki joavddai Billávutnii de viessu lei olles leahtuin buollime. Diibmu 01.30 sáhtte politiijat dieđihit Twitteris, ahte viesus eai lean olbmot ja ahte ii oktage olmmoš roasmmohuvvan buollimis. Viesu eai nagodan buollinčáskadeaddjit gádjut.
Balle náveha buollát
Buollima časkadišgohte amas návet guoras ii buollá. Návehis leat olu šibihat.
Badjelaš diibmu 03 sotnabeaivvi čuovganeapmái dieđiha fas politiija twitteris ahte časkadanbargguin manná bures.
– Viessu gal lea buollán, muhto náveha ja šibihiid nagodeimmet gádjut. Politiijat čuožžilahttet ášši, čállá operašuvdnaguovddáš Twitteris.
