Loga daid jus leat el-biillain dan geasi vuodjime.
Loga daid jus leat el-biillain dan geasi vuodjime.
Ruovttus ávžžuhuvvo el-biilla láddet ija badjel, ja jođánisláddara ávžžuhit dušše guhkit mátkkiin geavahit.
Jođanisláddar lea el-biillaid bensinstašuvdna. Ádjáná sullii diibmobeale láddet el-biilla.
Dan botta go vuorddat ávžžuha NAF vuoiŋŋastit ja ovdamearkka dihte boradastit.
Sii aŋkke muittuhit ahte earát soitet vuordime láddenvuoru ja dalle ferte sirdit el-biilla go el-biila lea doarvái el-rávnnji ožžon.
NAF maid muittuha heŋget láddara sádjái ja čorget iežas maŋis.
Sii muitalit maid ahte jus ládde batteriija dušše 80 proseantta rádjai daid háviid go ii leat dárbu láddet eambbo, de seastá el-biilla batteriija.
NAFas lea kárta mii čájeha gos Norggas leat láddenstašuvnnat.
Sii ávžžuhit vuddjiid geahččat gos dat leat ja ráhkkanit mátkái daid kártadieđuid vuođul.
Kártta gávdná maid iešguđet appain mátketelefovnnas.
