Olbmo buoremus olmmái sáhttá leat heaggavárálaš jus lea johtolagas. Ná sihkkarastet beatnaga jus leat vuolgime biilamátkái geasset.
*/
Biilaboahkana čavget lea vissa vuosttaš maid dagat go čohkkedat bilii. Muhto beatnaga ferte maid sihkkarastit.
– Dat lea mearehis dehálaš, goappašagaid sihkarvuođa dihte. Beana mii biillas lea luovos sáhttá leat heaggavárálaš jus lihkohisvuohta dáhpáhuvvá. Sáhttá roasmmehuhttit sihke olbmuid ja beatnaga, lohká Frende dáhkádusfitnodaga buvttahoavda Einar Brekken preassadieđáhusas.
Jus mat beana deaddá 30 kilo, de šaddá dat seamma lossat go eatnoheastta jus biila beaškkeha man ge njeaiga 50 km/d leahtus. Jus lea 70 km/d leahttu, de šaddá beana lihka lossat go čoarvenjunni, 2250 kilo.
Sihkkaraste beatnaga
– Mii ávžžuhit ahte bijat beatnaga «burai». Dat lea buoremus, buohkaid sihkarvuođa dihte. Beanadáhkádusain lea sierra sihkarvuođa láhkaásahus ahte beatnaga galgá sihkkarastet mátkis, lohká Brekken. Jus ii leat vejolaš burii bidjat beatnaga, de gávdnojit virjjit dan váste, maid sáhttá darvehit biilaboahkániidda.
– Buoremus lea bidjat beatnaga burai maŋageahčai, čohkkansajiid duohkai, lohká son.
Unnit ealli sáhttá bidjat burai biilaláhttái.
Beana mii lea luovos, sáhttá dagahit moivvi biillas. Eallit sáhttet šaddat stađuheapmin, goikat dahje vuorjašuvvat. Dat sáhttá muosehuhttit vuoddji. Sáhttá maid sáhkkohallat dan dihte. Jus luovos ealli dagaha lihkohisvuođa, de šaddá garrasit ráŋggáštus. Dan dieđiha NAF iežaset neahttasiidduin.
Ale guođe beatnaga bilii
Beatnagiid fertet váldit fárrui go earániid gálggat, vaikko livčče ge báhkka. Ii leat álo álki oažžut beatnaga rámbuvrii sisa, ja dávjá šaddá beana báhcit bilii.
– Vaikko it galgga eará oanehit mohki fitnat juogasajis, de ii leat dohkálaš guođđit beatnaga bilii. Muitte ahte biillas šaddá báhkka. Jus ii leat liigegalmmiheapmi biillas, ja láset leat giddejuvvon, de šaddá hui johtilit issoras báhkkan ja lossadin beatnagii biillas, lohká Einar Brekken.
NAF dieđiha ahte lea lohpi cuvket biillas láse jus oaidná ahte ealli gillá báhkka biillas.
