-Almmuhus-
-Almmuhus-
OĐĐASAT Ná muittašit sámi gielddat suoidnemánu 22. beaivvi

Ná muittašit sámi gielddat suoidnemánu 22. beaivvi

-

-

Lea 10 jagi áigi terrorfalleheami mii válddii 77 heakka Ráđđehuskvartálas ja Utøyas 2011:s. Dán čalmmustahttet iešguđetge báikkiin Norggas.

Kárášjoga gielda

Kárášjogas lea olggobeale boares girku čalmmustahttin.

Diibmu 13.30: Pianomusihkka girku siste

Diibmu 13.40: Sárdni sátnejođiheaddjis Svein A. Somby

Diibmu 13.50: Minuvtta jaskesvuohta

Diibmu 13.51: Skádjil koarra – Divtte geainnu boahtit ovddal

Diibmu 13.55: Ruvsubidjan 

Diibmu 14.05: Skádjil koarra – Nuoraide / Til ungdommen

Diibmu 14.10: Diktalohkan Inga Ravna Eiras

Diibmu 14.15: Skádjil koarra – Eahkkesroađđi

Kárášjoga girkus diibmu 19.00 – 20.00:

Rabas girku. Jaskesvuohta. Rohkodallan. Musihkka. Vejolašvuohta cahkkehit gintala.

Porsáŋggu gielda

Diibmu 13.00: Muitobácci bokte Ráđđeviesupárkkas

– Kulturovdanbuktin Tara Flåten Nicolaisenis

– Sárdni sátnejođiheaddjis Aina Borch

– Sárdni Tromssa ja Finnmárkku fylkkagielda várresátnejođiheaddjis Tarjei Jensen Bech

– Lieđđebidjan Stáhtahálddašeaddjis Tromssas ja Finnmárkkus ja doarjjajoavkkus suoidnemánu 22. beaivvi ovddas

– Kulturovdanbuktin Tara Flåten Nicolaisenis

Diibmu 17.00: Aurora Kino Leavnnjas: Generasjon Utøya

Diibmu 19.00: Porsáŋgu bisána guhkideamis «Oslo bisána». Girkobiellut čudjet 77 geardde muitit juohke oaffara terrorfalleheamis logi jagi áigi.

Porsáŋgu muittuha gehččiid doalahit gaskka, ja čuovvut njoammueastadannjuolggadusaid.

Unjárgga gielda

Girkobiellut čudjet diibmu 12.00 – 12.05.

Unjárgga girku lea rabas diibmu 11.00 – 14.00 rádjai. Báhppavikára Henning Bjørnstad lea girkus 12 rájes, ja doppe lea vejolaš cahkkehit gintala ja ságastallat.

Deanu gielda

Deanu Bargiidbellodat lágida muitočalmmustahttima diibmu 16.00:s.

Deaivvadeapmi lea ráđđeviesu šilljogiettis.

Gáivuona suohkan

Gáivuonas lea muitoipmilbálvalus Olderdalen girkus diibmu 17.00 – 19.00.

Doppe galgá sátnejođiheaddji Bernt Eirik Isaksen Lyngstad leat mielde, dasa lassin várresátnejođiheaddji Britt Pedersen ja fylkkaráđđejođiheaddji Bjørn Inge Mo

Loabága suohkan

Čalmmustahttin álggahuvvo diibmu 16.00:s Ornesguovddáža bokte.

Prográmma:

– Rahpandearvvuođat sátnejođiheaddjis Hege Rollmoen

– ruvssajuohkin ruvsutogii Loabága Bargiidbellodagas

– Apealla Eyir Skavholmas Loabága AUF:s

– Oktasaš lávlun

– Ruvsatoga Ornesguovddážis Tennevoll šaldi lusa, ja ruovttoluotta Loabága searvegottis lea rabas girku gaskkal 16.00 – 19.00. Organista Arne Kristian Torbergsen čuojaha gaskkal 17.00 ja 18.00. Lea vejolaš cahkkehit gintala girkus.

Lea oktasaš doalut gaskkal Loabága ja Siellaga Bargiidbellodagaid. Čalmmustahttima maŋŋel mannet Siellagii. Gaskkal 17.15 ja 18.00 leat miellahtut bovdejuvvon bidjat rásiid Simon Sæbø hávddi ala, ja lieđđebidjan muitobázzái.

Dielddanuori suohkan

Oassi Norgga girku 10-jagi čalmmustahttimis maŋŋel suoidnemánu 22. beaivvi, bohtet girkobiellut Dielddanuori suohkanis čuodjat duorastaga diibmu 12.00:s. Skánit girku boahtá maid leat rabas diibmu 12 rájes, nu ahte sii geat háliidit besset fitnat siste.

Álttá suohkan

Álttás lea maid čalmmustahttimin suoidnemánu 22. beaivvi. Álttá gielda bovde muitočalmmustahttimii muitumearkka bokte Álttá guovddážis duorastaga diibmu 14.00.

Lieđđebidjan dáhpáhuvvá Álttá gielddas suoidnemánu 22. beaivvi doarjjasearvvi, Álttá AUF, Tromsa ja Finnmárkku fylkkagieldda ja stáhtahálddašeaddji bealis.

Maŋŋel čalmmustahttima lea káffe Thon Álttás, masa ferte dieđihit monn@alta.kommune.no bokte.

Tromssa suohkan

Tromssas lei diibmu 11.30 muitoipmilbálvalus Tromssa duopmogirkus.

Diibmu 12:15 lea muitočalmmustahttin Girkopárkkas Tromssa guovddážis. Lea sadji 200 olbmuide báikkis koronadilálašvuođa dihtii.

Aarporte suohkan

Aarporte girkus čuojahit girkobielluid 12.00:s 12.15 rádjai, ja girku leat rabas 12.00 – 14.00, gos sii geat háliidit besset fitnat cahkkeheamen čuovggaid dahje leat girkus.

Fjellfolkets hus lea rabas 12.00 rájes, gos lea vejolašvuohta ovttastallat. Dáppe bohtet maid TV-sáddagat muitočalmmustahttimis čájehuvvot stuorrašearpmas.

Hábmera suohkan

10-jagi čalmmustahttima oktavuođas bohtet Korsnes girku, Drag/Helland girku, Sagfjord girku ja Hábmera girku leat rabas 10.00 – 14.00, gos lea vejolašvuohta cahkkehit gintala dahje čohkkát jaskadis oanebodda.

Girkobiellut Hábmera girkus čuodjat 5 minuvtta diibmu 12.00:s oassin nationála čalmmustahttimis.

Snåase suohkan

Snåase girku lea rabas gaskkal 09.00 – 21.00 nu ahte buohkat geat háliidit besset finadit. Lea vejolašvuohta cahkkehit gintala.

Diibmu 12.00 – 12.05 čudjet girkobiellut.

Diibmu 19.00 lea čalmmustahttin šiljus olggobeale suohkanvisti.

Guossuheaddji lea várresátnejođiheaddji Rolf Sturla Velde.

Apealla Snåase Bargiidbellodagas. Oktasaš lávlun «Nuoraide / Til ungdommen» ja apealla Indre Namdal AUF Frøydis Jørstadas.

Plassje suohkan

Muitučalmmustahttin lea diibmu 13.00 párkas Nilsenhjørnet bokte.

Musikálalaš guoimmuheapmi Kirsti Sæter ja Erik Roll bokte. Appeallat Malin Østbys, Trøndelag AUF, Isak V. Buschas, sátnejođiheaddjis Plassjes ja Harald Hauges, suohkanbáhppa Plassjes.

Suohkan muittuha doalahit gaskka, ja ainnas geavahit njálbmesuodjalusa.

Dieđut leat vižžon earet eará gielddaid ja suohkaniid neahttasiidduin.

-Almmuhus-