-Almmuhus-
OĐĐASATNá guhkki lei guhkemus Deanu­čázádagas

Ná guhkki lei guhkemus Deanu­čázádagas

-

-

Olu áŋgiris bivdit Norgga bealde lea bivdán hávggaid, earát leat čohkken čuopmaiskosiid ja bivdán baskkesčalmmát sáimmaiguin, veahkehan dihtii kártet guliid mat áitet Deanuluosa.

Deanučázádaga guolástushálddahus (DG) jotkkii čuopmaiskkusprošeavtta maiddái jagi 2020:s, movttiidahttin dihtii hávggabivddu ja baskkesčalmmát sáibmabivddu Deanus. Čázádaga guolásteaddjit leat áŋgirit čohkken čuopmaiskosiid, leamaš mielde bivdimin hávggaid ja baskkesčalmmát sáibmabivddu dán čavčča, čállá DG iežaset ruovttusiiddus. 

Oktiibuot leat 26 bivdi Norgga bealde buktán čuopmaiskosiid soahpamuša mielde. 38 bivdi leat bivdán hávggaid mávssu ovddas ja 23 bivdi leat bivdán vuolit sáimmain Vuolle-Deanus ja Deanu rádjágaskkas. Sáibmabivddus borgemánu 19. beaivvis čakčamánu 15. beaivái leat goddán hávgga, dápmoha, guvžžá, hárri dahje suovvila, čuovžža, njágá, vuskona, sánddaha ja ruoššaluosa. 

DG áigu joatkit guollekártenbivddu 2021:s vai eanaš oasit váldočázádagas ja stuorámus oalgejogat váldojuvvojit mielde prošektii. Prošeaktaáigodat sáhtášii leat dan rájes go  jiekŋa manná gitta geassemánu 15. beaivái ja borgemánu vuosttaš beaivvis čakčamánu 15. beaivái.

-Almmuhus-