Ná áigu Silje oččodit olbmuid máhccat sámi giliide
Dávjá gullat ahte Norggas lea stuora bargguhisvuohta. Sámi guovddáš sajiin sáhttá baicce váttis gávdnat olbmuid dehálaš virggiide. Norgga Sápmelaččaid Riikkasearvvi Silje Karine Muotkas lea dáhttu šaddat sámediggepresideanta ja sus lea gárvves plána movt oččodit olbmuid máhccat fas ruovttoluotta sámi giliide.