Stáda geaidnodoaimmahat ovdanbuvttii maŋŋebárgga plána mo áigot geavahit sullii 200 miljárdda ruvnnu boahttevaš viđa jagis.
Geaidnodoaimmahat háliida earret eará vuoruhit 13 geainnu gos oaivvildit ahte berrešii bargat 2040 rádjái, nu go Aftenposten lea čállán. Dalle seastá servodat ruđa ja šaddá ávkin huksemis, oaivvilda etáhta.
– Go hukset guhkit gaskkaid, de oažžut unnit mátkkoštanáiggi, einnostanvejolašvuođa ealáhusfievrrideapmái ja viiddiduvvon orrun- ja bargomárkanregiovnna, dadjá geaidnodirektevra Ingrid Dahl Hovland.
Geaidnodoaimmahat lea maid ráhkadan listtu prošeavttaide maid oaivvildit lea áigeguovdil čuovvulit nuppi oasi NTP-áigodagas, 2028-2033.
(©NTB)
