Museakáfestallamis galgá álbmot oahpásnuvvat Bååstede-prošektii, ja oažžut vejolašvuođa váikkuhit guđet dávvirat galget máhcahuvvot gieldda museii.
Museakáfestallamis galgá álbmot oahpásnuvvat Bååstede-prošektii, ja oažžut vejolašvuođa váikkuhit guđet dávvirat galget máhcahuvvot gieldda museii.
Odne doallá Riddoduottarmuseat – Porsáŋgu káfeságastallama, gos fáddán lea Bååstede-prošeakta.
Bååstede
2012:s šiehtadedje Norgga Álbmotmusea, Kulturhistorjjálaš musea ja Sámediggi ahte 2000 sámi vuorkkádávvira galget máhcahuvvot báikkálaš sámi museaide. Dávvirmáhcaheamit galget dan guđa sámi museii maid Sámediggi hálddaša.
Máhcahit dávviriid
Sámi dávvirat, kulturárbámet, lea iešguđet museain Mátta-Norggas, earret eará Norgga Álbmotmuseas ja Kulturhistorjjálaš museas.
Porsáŋggu álbmogii addojuvvo dál vejolašvuohta govaid bokte oaidnit Porsáŋgui gullevaš dávviriid mat dál leat vuorkkáin dain namuhuvvon museain.
Olbmot ožžot vejolašvuođa leat mielde váikkuheames guđet dávvirat galget máhcahuvvot ruovttoluotta gieldda museii.
Káfestallanbottu odne eahket láidesteaba RDM-direktevra Anne May Olli ja Porsáŋggu musea vuosttaskonsuleanta Roger Albrigtsen.
