-Almmuhus-
-Almmuhus-
-Almmuhus-
SMÁVVAOĐĐASATMusea Káráš­jogas lea gitta olles mánu

Musea Káráš­jogas lea gitta olles mánu

-

-

Sámiid Vuorká-Dávvirat (SVD)  deavdá 50 jagi dán jagi ja dan oktavuođas leat ceggemin ávvučájáhusa man namma lea «Ruoktot – Sámi rumbbuid máhcaheapmi». Dat čájáhus rahppo cuoŋománu 12. beaivvi.  

Sámiid Vuorká-Dávviriid museahoavda Jelena Porsanger bovde buohkaid «Ruoktot – Sámi rumbbuid máhcaheapmi» ávvučájáhusa rahpamii maŋŋebárgga beassášvahku. Musea lea gitta olles mánu dan botta go ceggejit ávvučájáhusa. 

– Doalut leat olgomuseas tiibmu 17.00. Musea lea dál gitta cuoŋománu 12.beaivvi rádjái, dan dihte go leat divvumin musea čájáhuslanja ja leat ceggemin ávvučájáhusa «RUOKTOT – Sámi rumbbuid máhcaheapmi». Sávan bures boahtima ávvudoaluide mat leat Olgomuseas cuoŋománu 12.beaivvi dii. 17 rájes! Váldde fárrui bivuid ja dulljiid, lohká SVD museahoavda Jelena Porsanger Facebookas. 

Son muitala ahte lea vejolaš geahččat ávvučájáhusa go gerget rahpandoaluiguin sullii tiibmu 19.30 rájes. Rahpanseremoniija lea viesus bovdejuvvon gussiide, muhto dat čájehuvvo Olgomuseas maiddái stuorra šearpmas.

– Mii almmuhit dieđuid dađistaga go ávvubeaivi lahkona, sihke Facebookas, márkanis ja ruovttusiiddus. BURES BOAHTIN! lohká SVD museahoavda Jelena Porsanger.

-Almmuhus-