Odne lonohalaiga dát guovttos sajiid ja Guovdageainnus lea ođđa sátnejođiheaddji, maŋŋil go Klemet Erland Hætta lea ráđđen 12 jagi. Geahča mii Hætta vuosttaš ráva lei Johan Vasarai:
Odne lonohalaiga dát guovttos sajiid ja Guovdageainnus lea ođđa sátnejođiheaddji, maŋŋil go Klemet Erland Hætta lea ráđđen 12 jagi. Geahča mii Hætta vuosttaš ráva lei Johan Vasarai:
– Mus livččii ráva dutnje.
Nu dat gullui Klemet Erland Hætta čuorvumin Johan Vasarai dakka maŋŋil go leigga lonuhan sajiid ja Vasara lei ožžon sátnejođiheaddješluppu Guovdageainnu suohkanstivrraásaheamis.
Vasara lei čorgemin alcces čohkkánsaji, go Hætta čurvii rávvaga:
– Dáhto beare bottoža vai bállet organiseret veaháš ovdal go joatkit, čurvestii ovddeš sátnejođiheaddji mojunjálmmiid.
Ja Vasara gal maid válddii rávvaga ja bivddii bottu.
Govven: Nils Johan Vars
Diet dattege ii lean áidna ráva maid Vasara oaččui Hættas odne, eambbo oainnát min videos bajimusas.
Bargiidbellodaga Johan Vasara válljejuvvui sátnejođiheaddjin 10 jienain ovcci jiena vuostá, son jođihišgoahtá eanetlogus Johttisápmelaččaid listtuin.
