Stáhtaadvokáhtta Romssas ja Finnmárkkus lea sáhkkohan muhtin albmá Svalbárddas go galgá leat muosehuhttán jiekŋaguovžžaid njukčamánus.
Njukčamánu 10. beaivvi vujii almmái vuotnajieŋa alde gos fuobmái jiekŋaravddas njeallje jiekŋaguovžža, ja dollii daid guvlui. Vihtanat dadje ahte bisánii sullii 70 mehtera ovdal.
Guovžžat suorganedje ja manne eret guovllus.
– Svalbárdda biraslágas čuožžu ahte lea gielddus čuovvut dahje eará doaimmain muosehuhttit jiekŋaguovžžaid, dadjá veahkehanáššeolmmái Berit Sagfossen.
Almmái oaččui 15.000 ruvdnosaš sáhku ja galgá leat dohkkehan dan.
