Eqinor buvttadanrusttet Muolkkuin giddejuvvo golggotmánu 1. beaivvi 2021 rádjái buollimiid maŋŋel mat dáhpáhuvve loahpageahčen čakčamánus, dieđiha iFinnmark.
Petroleumbearráigeahčču guorahallá dán áigge rusttega, muhto eai dieđe goas konklušuvnnain bohtet, dieđihit sii aviisii.
Loahpageahčen čakčamánu buolligođii ovtta dan viđa gássaturbiidnarusttegis olggobealde Hámmárfeastta.
Rusttegis buvttaduvvo golgi luonddugássa (LNG) Snøhvit-suorggis.
Ulbmil Petroleumbearráigeahčus viiddis bargguin lea gávnnahit sivaid buollimii ja gávdnat oahppančuoggáid eará aktevrraide oljo- ja gássaealáhusas.
Dan botta geavaha Equinor áiggi iskat olles rusttega.
– Midjiide lea dehálaš ahte dahkat ollislaš čađaheami rusttegis ja bargat daid divvumiid ja muddemiid mat fertejit dahkkot, dadjá Equinor gulahallanhoavda Eskil Eriksen iFinnmarkii.
Loahpageahčen golggotmánu bođii ovdan ahte buvttadeapmi ođđa satelihttasuorggis mii gullá gássasuorgái Snøhvit, maŋiduvvo boahtte jahkái buollimiid dihte.
(©NTB)
