Norgga čáhcádat- ja energiijadirektoráhtta dieđiha ahte lea mearkkašahtti muohtauđasvárra olu sajiin riikkas boahttevaš beivviid. Davvi-Norggas, Oarjeriikas ja Lulli-Norggas.
Direktoráhtta lea sádden várrehusa, olu sajiin lea goalmmát ceahki muohtauđasvárra. Finnmárkkus, Romssas, Nordlánddas, Møre ja Romsdalas, Hordalánddas ja Telemárkkus lea muohtauđasvárra borgga dihtii.
Várrehus bistá mánnodaga ja disdaga, dan dieđiha varsom.no neahttasiidu.
Oarje-Finnmárkkus, Davvi-Romssas, Ivgus ja Sis-Romssas sáhttet stuora uđđasat fierrat. Romssas leat gidden guokte fylkkageainnu, 862 ja 293, go lea muohtauđasvárra. Eará sajiin leat luottat gitta dálkki dihtii.
Lea garra biegga ja muohtaoavttit, ja dat dagahit váttes siivvu Romssas ja oarjjimus Oarje-Finnmárkkus. Dat lea mánnodaga ja disdaga, dan dieđiha Yr.
Mánnodaga maŋŋilgaskabeaivvi rievdá bivvalii ja arvvesdálkái Nordlánddas. Disdaga bivalda Romssas maid.
(©NTB)
