Maŋimuš beivviid lea borgan nu olu ahte Davvi-Norggas lea mearkkašahtti uđasvárra.
Maŋimuš beivviid lea borgan nu olu ahte Davvi-Norggas lea mearkkašahtti uđasvárra.
Norgga čázádat- ja energiijadirektoráhtta (NVE) lea lokten muohtauđasvárradási Davvi-Norggas golmmežii, mii gohčoduvvo mearkkašahtti uđasvárran.
Gohččot várrogasat vánddardit
NVE Uđasvárradieđáhusa vuorrohoavda Ragnar Ekker lohká preassadieđáhusas ahte sii guđet leat jurddašan váriin vánddardit boahttevaš beivviid, berrejit iskat dieđuid varsom.no siiddus.
– Mii ođastat dieđuid buot guovlluid hárrái beaivválaččat diibmu 16:00 boahtte guokte beaivvi, dadjá son.
Otnážii lea dieđihuvvon golmmešdási uđasvárra measta miehtá Davvi-Norgga, Áltái lea dieđihuvvon guvttešdási uđasvárra odne, ja golmmešdási ihtá rájes.
Buot várohusaid logat varsom.no siiddus.