Maŋimuš vahkku muohtauđaslihkohisvuođat váikkuhit Davvi-Norgga gádjunbálvalusa ja buohcceviesuid kapasitehtii.
– Mis lea bággu bidjat eanet návccaid olahit sihke ofelastiide ja gussiide geat bohtet deike, lohká Davvi-Norgga universitehtabuohcceviesu váldodoavttir Mads Gilbert TV 2 kanálii.
Davvi-Norggas leat ovddit sotnabeaivvi rájes fierran njeallje muohtauđđasa, daid lihkohisvuođain gárte 15 olbmo muohttaga vuollái.
– Daid lihkohisvuođaid geažil leat šaddan maŋidit čuohpademiid ja sirdit pasieanttaid eará buohcceviesuide, lohká Gilbert.
Son oaivvilda ahte lea áibbas dárbbašlaš eastadit muohtauđaslihkohisvuođaid ja juohkit dieđuid vai olbmot dihtet man váralaš sáhttá vánddardit váriin. Eatnašat geat bártidit leat olgoriikka turisttat geat leat vuolgán alla váriide čierastit sabehiiguin.
(©NTB)
