Muhtin muohtačorgejeaddji Mátta-Várjjagis váldui politiijaid háldui go vujii muhtin vuollel 70-jahkásaš nissonolbmo njeaiga juvlagoivvoniin.
Nisu šattai Girkonjárgga buohccevissui roasmmehuvvan julggiin bearjadat ija.
– Muohtačorgejeaddji lea min hálddus ja son lea giddagasas Girkonjárggas. Dál ii leat vuos áibbas čielggas mii lea dáhpáhuvvan ja manne, muhto ovdal dáhpáhusa galgá leamaš riidu, jáhkkimis dan birra gosa muohttaga galgá čorget, dadjá Finnmárkku politiijaguovllu operašuvdnajođiheaddji Tarjei Leinan Mathiesen NTB:i.
Dán rádjai leat politiijat hupman ovttain vihtaniin, ja Mathiesen deattuha ahte sii eai leat vel hupman gillájeddjiin eai ge áššáiduhtton albmáin ja ii leat vel čielggas lea go sáhka lihkohisvuođas vai rihkusáššis.
