- Lean háliidan nuppes fas boahtit Guovdageidnui go liikon hui bures dán báikki. Lean hui buorre iežan fansaide, ja dieđan mus leat olu fansat dáppe, čilge Isac Elliot.
*/
Beakkálmas Isac Elliot lea Guovdageainnus fitname juo nuppes. Otne doallá konseartta Báktehárjjis.
Ovdal konseartta vujiii Isac herggiin olggobealde hotealla. «Ellioterat» ledje ráidun vuordimin su olggobealde. Guovttis leigga ge Laila Kristine Eira ja Sara Elise Eira.
– Moai letne hui stuora fansat sus, ja letne illudan guhká dassážii boahtá, lohkaba soai.
Muitá njeallje sámegiel sáni
Isac Elliot gii ovdal lea leamašan Guovdageainnus, lei darvehan moadde sámegiel sáni muitui.
– «Mun ráhkistan din» ja «giitu» leat dat sámegiel sánit maid muittán, lohka son.
– Amas ealli
Go lea vuoddján herggiin, de mieđiha dán veahá issorassan, ii ge riekta dieđe movt galgá dollestit hearggi.
– Dá lea nu amas ealli, sáhttá go goddit mu, jearrala son sihkkarvuođa dihte.
Ellioterat Laila Kristine ja Sara Elise vázziba hearggi maŋis mas Isac čohkkái.
– Dál lei erenoamáš somá deaivat su, lohkaba soai loahpas ovdal viehkaleaba Báktehárjji lusa vuordit.