-Almmuhus-
-Almmuhus-
GUOIMMUHEAPMI – Mun lean juste čohkká­min biillas!

– Mun lean juste čohkká­min biillas!

-

-

Namma: Mathias Vassvik Kalstad

Ahki: 20

Guovlu: Kárášjohka

– Mun lean juste čohkkámin biillas, muhto jus fal jearat mus álkes gažaldagaid, de gal soaitá mannat bures, bohkosa Mathias.

1. Manin lávejit gohčodit Romssa?

– Ii go leat Nordens Paris? Juo, nu dat lea. Riekta!

2. Guđe mánuid sirdit mii diimmu gaskka geasse- ja dálveáiggi?

– Dat lea miessemánus vai lei go cuoŋománus. Ja de lea skábmamánnu dahje čakčamánnu. Mun vástidan ahte cuoŋománus  mii sirdit geasseáigái ja golggotmánus dálveáigái ges.

Measta riekta!

Rievttes vástádus: Njukčamánu ja golggotmánu

– Nu bat lei! Lulde han boahtá árabut geassi ja dáppe boahtá olu maŋŋel.

3. Joatkke lávlláteavstta: «giđđajohka golggiida, ráinnas áibmu lieggana …»

– Haha! Luoitte luovos jurdagiid …giđđajohka golggiida, Mathias lávllosta.

– Die lea Nico Buljo lávlla ja Ivan Buljo lea vissa ođasmahttán dan. In mun gal muitte. Ferten gullat vástádusa.

Boastut!

Rievttes vástádus: «… ođđa áigi ealáska, dál go beaivváš badjána.»

– Vuoi, lei juo heittot!

Mathias ii vástidan riekta buot golbma gažaldaga  iige beasa liigegažaldagaid vástidit.

Juohke gilvaleaddji beassá vel geahččalit vástidit ­ovtta árvalusa. Rukses árvalus lea váddáseamos ja jus dan máhttá, de oažžu 15 čuoggá. Alit árvalusain oažžu 10 čuoggá ja ruoná árvalusain 5 čuoggá. Jurddašanáigi: 1 minuhta.

– Mun geahččalan ja válljen dan váddásepmosa.

Iešguđetlágan čuovggat dahket mu earáláganin, ja iešguđetlágan sturrodahkan šattan mun. Mii lean mun?

– Suoivvanas, vai rássi dat lea? Mun vástidan suoivvanas, nu dat ferte leat. Boastut!

Rievttes vástádus: Čalbmegolláš

Čuoggá oktiibuot: 1,5

Juohke gilvaleaddji beassá hástalit ođđa gilva­leaddji Ávvira geassegilvui. Mathias hástala Bjørn Petter Anti Tangena.

– Lei hui suohtas searvat, lohká Mathias loahpas

Njunnošis: Mathias 1,5 čuoggáin

- Advertisement -
-Almmuhus-