-Almmuhus-
-Almmuhus-
GUOIMMUHEAPMI– Mun lean gullan dien ovdal, muhto in dál muitte

– Mun lean gullan dien ovdal, muhto in dál muitte

-

-

Namma: Aslak Anders Skum

Ahki: 33

Guovlu: Guovdageaidnu

Bargu: Sámi allaskuvlla ovdakantuvrras

1. Galle sámegiela suopmana gávdnojit?

– Čieža. Boastut!

Rievttes vástádus: Ovcci

 

2. Gokko olbmos lea vuorgu?

– Vuorgu? Dan gal in oba dieđege,

boagusta Skum. Boastut!

Rievttes vástádus: Giehtaruohttasa ja giehtagáva gaskasaš dákti.

 

3. Joatkke dálkediidda:

«Go násttit libardit…»

– De áigu borgat. Boastut!

Rievttes vástádus: «…dalle buolašta.»

 

Go Skum ii vástidan riekta buot golbma vuosttaš gažaldaga, de son ii mannan viidáset gilvvus.

Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje.

Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

 

Skum vállje rukses ivnni, ja mii jearrat sus dán árvalusa:

Don joavddat luoddaerrui, itge dieđe guđe guovllus lea báiki gosa leat mannamin. Luoddaearus leaba guokte vieljažaga geain sáhtát jearrat guđe guvlui galggat mohkastit: okta muitala álo duohtavuođa, nubbi ges álo gielista, muhto don it dieđe goabbá lea goabbá. Dus lea dušše lohpi ovtta gažaldaga jearrat sudnos. Maid don jearat?

– Mun lean gullán dien ovdal, muhto in dál muitte. Boastut!

Rievttes vástádus: Don jearat «Guđe guvlui du viellja cuigešii?» (Son gii muitala duohtavuođa cuige dan guvlui gosa su gielis viellja cuigešii. Gielis viellja gielista guđe guvlui su viellja gii muitala duohtavuođa cuigešii. Soai de cuigeba seamma guvlui, ja de dieđát ahte mohkkasat dan guvlui gosa soai eaba cuoiggo.)

 

Galle čuoggá oktiibuot: 0 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui. Aslak Anders Skum hástala Joret Mihkkal Bals searvat gilvui.

-Almmuhus-