– Mun in máhte rehkenastit!

1. Man dávjá lea gárgádusjahki?

– Ha-ha… gárgádus? Mun dat in dieđe mii dat lea. Gal dat ledje váttes gažaldagat! Mun árvidan juohke 2. jagi. Boastut!

Rievttes vástádus: Juohke 4. jagi

2. Gii lei Ávvira vuosttaš váldodoaimmaheaddji?

– Ohh hearrá sivdnit! Mas bat mun dieđán dan? Mun ferten beare árvidit. Haha…Piera Larsen mun árvidan! In mun gal dieđe. Boastut!

Rievttes vástádus: Ánte Bals

3. Makkár spábbačiekčanjoavkkus lea Morten Gamst Pedersen?

– Ii go dat čievčča TIL joavkkus? Tromsø I.L. Riekta!

Árvádus:

– Na mun ferten váldit ruoksada go lea dušše okta čuokkis.

Áile vállje rukses ivnni mii lea buot váddáseamos árváduskategoriijas ja sáhttá fidnet 15 čuoggá.

Dámppas heaŋgá ráidalas, ja čáhci ollá vuolemus ceahki rádjái. Lea 20 cm gaskka juohke ceahkis, ja ráidalas lea 180 cm guhku. Go lea ulli de čáhci badjána 15 cm diimmus. Goas boahtá čáhci bajimus ceahki rádjái?

– Ehh…mun logan ahte dat ii olle bajás. Dás ii leat vástádus oainnat go ráidalasas ii leat aistton vuođđu. Hmm… muhto mun sáhtán gal árvidit. Mun vástidan čieža diimmu! Boastut!

Rievttes vástádus: Ii goasse. Go ulli lea, de dámpa maid čuovvu čázi.

– Mun in gal máhte rehkenastit! Vaikko in livčče dárbbašit máhttit rehkenastit dien árvádusas. Nu dát gal manai hejot.

Čuoggá oktiibuot: 1

Juohke gilvaleaddji beassá hástalit ođđa gilvaleaddji Ávvira geassegilvui.

Aile Marita Varsi hástala Hans Ole Mudenia.

Njunnošis

Namma: Elle Mari Dunfjell Oskal
Ahki: 23
Galle čuoggá: 17