– Mun in gal máhte fránskkagiela

1. Geas ledje Máze nieiddat ožžon goarrunmašiinna?

– Ha-ha, irggis. RIEKTA!

2. Mii lea Norgga stuorimus girku?

– Doppe goit lean leamaš! Mii son leige… Nidarosdomen. RIEKTA!

3. Man boaris sáhttá vilda gumpe šaddat?

– 7-8 jagi várra. RIEKTA!

Rievttes vástádus: 8 jagi.

Anna birgii bures álgovuorus. Son máhtii buot golbma gažaldagaid ja beassá vel liigegažaldagaid vástidit.

Mii lea máilmmi divraseamos máistta namma?

– Lea safrána. Dien mun dieđán go láven viššal láibut «lusekattaid» gáhkuid juohke juovllaid, ha-ha! RIEKTA!

Leat go njiŋŋelas bohccos čoarvvit?

– Juo, de leat, muhto dat goit ravget go ožžot misiid jáhkán. RIEKTA!

Mii lea sámegillii fránskka namma Le Conseil Des Sami?

– Mun in gal máhte fránskkagiela, in dieđe. BOASTUT!

Rievttes vástádus: Sámiráđđi.

Anna nagodii vel golbma čuoggá liigegažaldagain. Dál beassá joatkit árvádusain.

Árvádusain sáhttá oažžut 5, 10 dahje 15 čuoggá. Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon. Árvádusas lea minuhta jurddašanáigi.

Anna vállje váddáseamos árvádusa, ruoksada, ja dá sutnje árvádus:

Mas leat bánit, muhto ii njálbmi?

– Jobos gal lea vel njálbmi, mii son de lea… Sahá mun dajan. RIEKTA!

Galle čuoggá oktiibuot: 20

Juohke gilvaleaddji beassá hástalit ođđa gilvaleaddji Ávvira geassegilvui.

– Mus lea miella hástalit iežan edno, Johan Mikkel Sara.