– Mun goit lean dakkár olmmoš

1. Leago Áillohaš leamaš mielde filmmain?

– De lea. RIEKTA!

2. Makkár sáivaguolis lea skávža?

– Čuovžžas. BOASTUT!

Rievttes vástádus: Njágas.

3. Galle juolggi leat heavnnis?

– Árvidan 6. BOASTUT!

Rievttes vástádus: 8.

Raimo ii vástidan riekta visot gažaldagaid álgovuorus ja ii mana viidáset liigegažaldagaide.

Son beassá liikká geahččalit vástidit árvádusa.

Árvádusain sáhttá oažžut 5, 10 dahje 15 čuoggá. 

Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon.

Raimo vállje aliha, ja dá lea sutnje árvádus:

Mas leat njeallje juolggi beaivet, ja guhtta ihkku?

– Dál ii boahtán mihkkege. In máhte vástidit. BOASTUT!

Rievttes vástádus: Seaŋga, mas okta olmmoš oađđá.

– Dien livččen galgat diehtit, go mun goit lean dakkár olmmoš, ha-ha! boagusta Raimo.

Galle čuoggá oktiibuot: 1

Juohke gilvaleaddji beassá hástalit ođđa gilvaleaddji Ávvira geassegilvui.

Raimo hástala Katri Somby.